Thellim bashkëpunimi me Postën Shqiptare dhe Postën e Kosovës

Në bazë të Memorandumit për bashkëpunim mes  administrave të Postës së Maqedonisë së Veriut,Shqipërisë dhe Kosovës, në Shkup u organizua takim pune me përfaqësuesit e drejtorive postare ku nikoqir ishte Posta e Maqedonisë së Veriut.

Qëllimi I këtij takimi  ishte thellimi i  bashkëpunimit dhe shkëmbimi i përvojave në sferën e  digjitalizimit dhe inovacioneve mes tre kompanive.

Në këtë takim drejtori gjeneral i Postës së Maqedonisë Ejup Rustemi u takua me homologet e tij z.Laert Duraj administrator në Postën Shqiptare dhe kryeshefin Ekzekutiv të Postës së Kosovës z.Shefqet Avdija.

Të nderuar,më lejoni që së bashku me ju,të ndajmë vlerat e përbashkëta si fqinj,miq dhe bashkëpunëtor.Qëllimi i këtij takimi pune të përbashkët  është procesi i digjitalizimit dhe inovacioneve të shërbimeve në komunikacionin postar.Në takimin e sotëm ofrojmë  ide origjinale për zhvillim të shërbimeve të reja postare, që paraqesin një koncept të ri të punës.Kjo do t’ju shërbejë kompanive të arrijnë rezulatet më të mira.

Zhvillimi i shpejtë i teknologjisë digjitale imponohet si një hap logjik edhe në punën postare të Postës së Maqedonisë së Veriut. Digjitalizimi i shërbimeve postare paraqet  filozofi të zhvillimit cila do të  realizohet përmes shumë projekteve,theksoi Rustemi.

Përfaqësuesit e  tre postave u dakorduan se digjitalizimi dhe tregtia online janë mundësia kryesore për bashkëpunim, duke pasur parasysh se tregtia online është në zhvillim e sipër jo vetem në rajon, por në gjithë botën dhe një bashkëpunimi i këtij lloji mes  postave është në interes të përbashkët.