Takimi përmbyllës i Twining projektit

Јануари 29, 2020Lajme

Në kuadër të procesit të anëtarësimit të Maqedonisë së Veriut në Bashkimin Evropian dhe harmonizimit të rregulloreve dhe praktikave të sektorit postar, në vazhdim është pjesa përmbyllese e Twining projektit në mes të Mbretërisë së Spanjës dhe Agjencisë Postare të Maqedonisë së Veriut,në të cilën është e përfshirë edhe Posta e Maqedonisë së Veriut.

Në mbledhjen përmbyllëse të Twining projektit në Postë morën pjesë përfaqësues të Bordit drejtues dhe shërbimeve profesionale të Kompanisë, të udhëhequr nga Drejtori gjeneral Ejup Rustemi, Drejtoresha e Agjencisë postare Biljana Avramoska Gjureska, ndërsa në emër të Mbretërisë së Spanjës në mbledhje morën pjesë z. Rafael Crespo, Drejtor gjeneral për regjimin postar i Ministrisë së Transportit, mobilitetit dhe çështjeve urbane dhe Shef i projektit të vëllazërimit; Kryetari i Komitetit Evropian të rregullatorëve postar Herman Vasquez Asenho dhe këshilltarja e projektit Eva Maria Picos Perez.

Qëllimi i takimit të punës është për të parë se si projekti po përparon dhe çfarë duhet të bëhet për zbatimin e tij praktik. “Falë projektit dhe përfshirjes së shërbimeve profesionale të Kompanisë, ne tani e dimë se çfarë hapash duhen ndërmarrë për të liberalizuar tregun, përfshirë modernizimin e sektorit postar, çmime të arsyeshme dhe klientë të kënaqur. Ne jemi të vetëdijshëm që projekti ka një rëndësi të madhe për të gjitha institucionet e përfshira dhe sinqerisht shpresoj që rezultati përfundimtar të jetë i kënaqshëm për të gjitha palët, tha Drejtori gjeneral Ejup Rustemi.

Bashkëpunimi i ndërsjellë dhe shkëmbimi i informacioneve, i mbështetur nga përfitimet e projektit do të na mundësojnë që së bashku të realizojmë qëllimet e parashikuara, tha Drejtoresha e Agjencisë Postare Biljana Avramoska Gjureska.

Përfaqësuesit e Mbretërisë së Spanjës shprehën kënaqësinë për punën e deritanishme të shërbimeve profesionale të projektit dhe theksuan se Posta është vendi ku duhet të fillojnë proceset, sepse e ardhmja ofron mundësi të mëdha dhe ato duhet të shfrytëzohen, kështu që tani është koha e duhur që Posta e Maqedonisë së Veriut të fokusohet në modernizimin e punës së saj.