Protokolli për veprim në kushte të gjendjes së jashtëzakonshme

Април 27, 2020Lajme

Protokolli për veprim të SHA ,,Posta e Maqedonisë së Veriut“- Shkup në kushte të gjendjes së jashtëzakonshme

Në pajtueshmëri me dekretin për zbatimin e ligjit për shërbimet postare gjatë periudhës së gjendjes së jashtëzakonshme të miratuara nga Qeveria e RMVsë, SHA ,,Posta e Maqedonisë së Veriut“-Shkup solli protokoll për veprim në kushte të gjendjes së jashtëzakonshme . Me këtë protokoll përcaktohen aktivitetet të cilat SHA ,,Posta e Maqedonisë së Veriut“-Shkup i zbaton në kushtet e gjendjes së jashtëzakonshme me qëllim parandalimin e përhapjes së infektimit, mbrojtjen e shëndetit të punonjësve tonë , dhe shfrytëzuesve të shërbimeve postare, si dhe zbatimin më të sigurt dhe më të thjesht të të gjitha shërbimeve postare.

SHA ,, Posta e Maqedonisë së Veriut“-Shkup i zbaton aktivitete në vijim:

Cakton roje në njësitë postare, me qëllim zbatimin e rendit dhe ruajtjen e distancës së nevojshme midis shfrytëzuesve prej të paktën 2 metra para dhe mbrenda objektit.
Vendos shenja me të cilat tregohet drejtimi i lëvizjes dhe respektimi i distancës së nëvojshme minimale gjatë pritjes në radhë të shfrytëzuesve të shërbimeve postare para dhe brenda objektit.
Në njësitë postare me një të punësuar, në të cilat nuk mund të caktohet roje për mbajtjen e radhës, në derën hyrëse vendoset njoftim për shfrytëzuesit lidhur me protokollin për hyrjen dhe daljen gjatë shfrytëzimit të shërbimeve postare.
Organizon punë në njësitë postare, në mënyrë që të ketë një distancë të rekomanduar midis sporteleve.
Lejon hyrjen e 1 deri 5 persona në njësitë postare, varësisht nga hapësira e shfrytëzuesve, në princip numri i shfrytëzuesve të jetë i barabartë me numrin e sporteleve në njesitë postare të cilat janë në funksion.
Lejon hyrje vetëm për personat- shfrytëzuesit e shërbimeve postare, të cilët mbajnë maska mbrojtëse ose shall me të cilat do të jenë të mbuluara goja dhe hunda e shfrytëzuesve të cilët hyjnë në njësitë postare.
Vendos mjete për dezinfektim, me qëllim që shfrytëzuesit të dezinfektohen gjatë hyrjes në njësitë postare.
Bën dezinfektimin parandalues të të gjitha objekteve postare.

Për mbrojtjen e shëndetit, ftohen të gjithë shfrytëzuesit e shërbimeve postare që në mënyrë të vazhdueshme të zbatojnë masat parandaluese të SHA ,,Posta e Maqedonisë së Veriut- Shkup dhe të Ministrisë së Shëndetësisë:

Jini të durueshëm, prisni në radhë para njësive postare dhe mbani distancë më së paku 2 metra largësi nga personat rreth jush, para dhe në njësitë postare.
Respektoni rekomandimet e rojeve dhe hyni në njësitë postare një nga një, pasi qe roja do t’ju lejoj, ose kur shfrytëzuesi para jush do të dal nga njësia postare.
Jepuni përparësi shfrytëzuesve më të vjetër se 67 vjet, të cilët shërbehen në një periudhë të caktuar të ditës.
Detyrimisht mbani mjete mbrojtëse ( maska, shami, shall ) në të kundërtën nuk do t’ju lejohet të hyni ne njësitë postare.

Ju falënderojmë që i respektoni masat, sepse nëse mbroni veten, mbroni edhe të tjerët.