Posta e Maqedonisë të punësuarve ua pagoi regresin e pushimit vjetorë për vitin 2017

SHA Posta e Maqedonisë- Shkup, për 2317 të punësuar ua pagoi regresin e pushimit vjetorë për vitin 2017 në përputhje me dispozitat ekzistuese  të Kontratës Kolektive të Postës së Maqedonisë.

Udhëheqësia e Postës së Maqedonisë dëshmon edhe njëherë se ka kujdes maksimal për mirëqenien e punëtorëve të saj në kuadër të stabilitetit të kompanisë.

Persona të caktuar jashtë Postës së Maqedonisë të cilëve u është me rëndësi interesi tregtarë ose komercial, tek një numër i caktuar të të punësuarve të postës kanë arritur të ngjallin mosbesim dhe frikë në lidhje me pagesën e regresit për pushim vjetorë, mirëpo me kalimin e kohës edhe ata u bindën se premtimet e dhëna nga udhëheqësia e Postës po realizohen, edhe atë në interes të të punësuarve dhe kompanisë.