Форум на поштенски лидери во Баку: Предизвици и иновации во глобалните услуги

Мај 15, 2025Новости

Светскиот поштенски сојуз (УПУ) е домаќин на Форумот на поштенски лидери во Баку, Азербејџан, важен настан што ги собира претставниците на поштите-членки од целиот свет. За време на овој форум се дискутираат најновите иновации во поштенската технологија, како и можностите за зајакнување на соработката помеѓу различните пошти-членки на УПУ. Исто така, имаме можност да разгледаме начини за справување и надминување на ризиците и предизвиците што се јавуваат во областа на поштенските услуги, со што ќе се обезбеди поштенските услуги да останат одржливи и ефикасни за граѓаните на глобално ниво. Овој форум нуди одлична можност за споделување искуства и создавање нови партнерства што ќе влијаат на подобрувањето на поштенските услуги во иднина.