Учество на меѓународна филателистичка изложба „Нитрафила“ 2023

Јули 13, 2023Новости

На 3 јули 2023 год., во Нитра, Словачка, беше отворена меѓународната филателистичка изложба „Нитрафила 2023“, под наслов „Константин – Кирил, Методиј и Европа“. Настанот се организира како дел од манифестацијата за чествување на светите браќа Кирил и Методиј во Словачка, кој се одбележува на 5 јули 2023 год.

На изложбата Република Северна Македонија имаше посебно пано, на кое беа изложени повеќе примероци на поштенски марки и пликоа со мотив на светите браќа Кирил и Методиј, издадени од АД „Пошта на Северна Македонија“.