Скок за 82 места за квалитет на ЕМS услугата на Македонска пошта

Март 1, 2016Новости

Скок за 82 места за квалитет на ЕМS услугата на Македонска пошта

Во извештајот на ЕМS Кооперативата на Светскиот поштенски сојуз за квалитет на ЕМS услугата на 201 поштенски оператор во светот, за последниот квартал од 2015 година, ЕМS услугата на Македонска пошта е рангирана на 55-то место. Во извештајот за I-от квартал од 2015 година Македонска пошта беше рангирана на 137 место. Скокот од 82 места од вкупно рангирани 201 рангиран поштенски оператор е резултат на постојаната ангажираност на менеџментот, вработените на Македонска пошта и ангажирање на консултанти од Светскиот поштенски сојуз. Радува фактот што меѓународните институции од типот на ЕМS Кооперативата го препознаа квалитетното работење на Македонска пошта, што претставува дополнителен импулс за продолжување и задржување на високиот квалитет на работење на Компанијата. Опслужувањето на корисниците е дел од клучните показатели за резултатите дефинирани од страна на ЕМS Кооперативата, а Македонска пошта како една од членките активно учествува во активностите за подобрување на квалитетот на ЕMS услугата.