„Повторно ставена во функција услугата за доставување на пензиите до дом“ – директор на ЦРПС Кичево

Февруари 22, 2022Новости

Директорот на Подружница ЦРПС Кичево при АД “Пошта на Северна Македонија”, г. Булетин Џеладини во изјава за ТВ Ускана соопштува дека од денеска се става во функција услугата за доставување на пензиите до адресата на живеење.

Г. Џеладини истакнува дека за оваа услуга граѓаните ќе можат да плаќаат минимален надоместок за исплата на пензијата до нивниот дом.

Заинтересираните граѓани за оваа услуга треба да отворат жиросметка во Халкбанк или НЛБ банка со пополнување на потребните формулари и истите може да ги најдат во сите поштенски единици или на филијалите на горенаведените банки.

„Сакав да ги известам сите пензионери дека повторно се става во функција услугата за доставување на пензиите до адресата на живеење. Заинтересираните пензионери најпрво ќе треба да имаат жиросметка во Халкбанк и да ги потпишат потребните формулари, кои можат да се најдат во нашите поштенски единици и во филиалите на Халбанк. Со ова услуга го штитиме здравјето на пензионерите избегнувајќи долгите редици во банките на поедноставен начин да ги добијат своите пензии до нивните домови“.

Граѓаните кои примаат пензии со износ до 5.000 денари, надоместокот за достава на пензија ќе изнесува 70 денари.

Граѓаните кои примаат пензии со износ од 5.001 до 9.000 денари, надоместокот за достава на пензија ќе изнесува 100 денари.

Граѓаните кои примаат пензии со износ од 9.001 денари до 15.000 денари, надоместокот за достава на пензија ќе изнесува 130 денари.

Додека граѓаните кои примаат пензија во износ над 15.000 денари, надоместокот за достава на пензија ќе изнесува 160 денари.

Г. Џеладини на крајот истакнува дека оваа услуга граѓаните ја чекале долго време и дека со оваа услуга граѓаните нема да се соберат пред шалтерите да си ја земат пензијата.