Одржан состанок помеѓу Генералниот директор на АД ”Пошта на Северна Македонија и кандидат за Генерален директор на Меѓународното биро на Светскиот поштенски сојуз

Април 29, 2021Новости

Генералниот директор на АД ”Пошта на Северна Македонија, Јани Макрадули, одржа онлајн состанок со г. Метоки Масахико, кандидат за Генерален директор на Меѓународното биро на Светскиот поштенски сојуз.

На состанокот г. Метоки Масахико, ја претстави својата програма, мисија и визија, чии што столбови се компатибилни со приоритетните активности на АД”Пошта на Северна Македонија”.

“Отворањето на нови деловни можности, користењето на напредни дигитални алатки, како и зголемувањето на финансиските услуги во руралните средини се истотака дел од приоритетите на нашата компанија” истакна Макрадули.

АД “ Пошта на Северна Македонија” продолжува со интензивирање на активностите со цел зајакнување на меѓународната соработка во рамки на Светскиот поштенски сојуз.