Заменик амбасадорот на Австрија во посета на Пошта на С. Македонија

Август 27, 2025Новости

Соработка и подобрување на квалитетот на поштенските услуги, особено во делот на дигитализацијата и електронската трговија, беа тема на денешниот работен состанок на генералниот директор Орхан Куртиши и заменик амбасадорот на Австрија во Македонија,Матијас Хуменбергер.

Генаралниот директор Куртиши посочи дека остварил средба и со заменик генералниот директор на Австриската пошта на кој исто така е изразена подготвеност за продлабочување на соработката помеѓу двете пошти и потенцираше дека начинот на кој функционира Поштата во Австрија е пример за тоа како треба да работи една пошта.

Предизвиците со кој се соочува поштенскиот сектор како и нелојалната конкуренција исто така беа дел од разговорите на денешната работна средба, а поддршката од Светскиот поштенски сојуз секогаш е добредојдена, истакна генералниот директор Куртиши.

Работната посета беше заокружена со разгледување на опожарената шалтер сала, која со својата архитектура претставува место на кој може да се одржуваат културни настани, заклучи Хуменбергер.