Делегација на Хрватска пошта во посета на Македонска пошта

Делегација на Хрватска пошта предводена од генералниот директор Иван Чуло денес ја посети Македонска пошта.

За време на средбата беа разменети мислења за предизвиците со кои се соочуваат двете пошти, а се разговараше и за реформите кои се спроведени во Хрватска пошта во последните години.

Двајцата директори, Фаадис Реџепи – директор на Македонска пошта и Иван Чуло – директор на Хрватска пошта, изразија подготвеност за продлабочување на меѓусебната соработка и за реализирање на заеднички проекти во интерес на двете поштенски управи и нивните корисници.