Shërbimet postare të cilat nuk përfshihen në shërbimet universale

M thasët

M thasët janë dërgesa postare (thasë) në komunikacionin e brendshëm  dhe ndërkombëtar postar të cilin i njëjti dërgues i dërgon të njëjtit pranues, në të njëjtën adresë dhe përmbajnë shtypshkrime. Pesha maksimale e M thasëve është 30 kg.

Posta direkte pjesërisht të adresuara

Posta direkte pjesërisht të adresuara janë dërgesa që përmbajnë materiale reklamuese, dërgesa që përmbajnë materiale  promovuese dhe marketingu, në të cilat është e shënuar adresa e pranuesit, por jo dhe emri dhe mbiemri përkatësisht titulli i pranuesit, ndërsa dërgohet në më së paku 10 pranues. Pesha dhe madhësia e postës direkte pjesërisht të adresuar duhet patjetër të përputhen me letër-dërgesën e thjeshtë.

Dërguesi i postës direkte pjesërisht të adresuar para dërgimit  është i detyruar t’i japë një kopje të dërgesës punonjësit për shërbime tjera  postare për inspektim si dhe deklaratën se të gjitha dërgesat ngjasojnë me ekzemplarin e dhënë.

5.Posta direkte pa adresë

Posta direkte pa adresë janë dërgesa të cilat përmbajnë materiale reklamuese, dërgesa të cilat përmbajnë materiale marketingu dhe materiale të  tjera promovuese, ndërsa adresa e pranuesit, emri dhe mbiemri, përkatësisht titulli i pranuesit nuk janë të shënuara. Posta direkte pa adresë i dërgohet një grupi të caktuar dhe më së paku 100 pranuesve.

Pesha dhe madhësia e dërgesave duhet të përputhen me atë të letër-dërgesës së thjeshtë.

Dërguesi i postës direkte pa adresë para dërgimit është i detyruar t’i japë një kopje të dërgesës punonjësit për shërbime tjera  postare për inspektim, si  dhe deklaratën se të gjitha dërgesat ngjasojnë me ekzemplarin e dhënë.

Pako

Pakoja që nuk është e përfshirë në shërbimin universal postar është dërgesë postare me madhësi dhe peshë të caktuar e cila përmban mallra me dhe pa vlere të deklaruar.

Pakoja ka peshë mbi 10 kg deri maksimum 50 kg në komunikacionin e brendshëm, ndërsa në komunikacionin ndërkombëtar ka mbi 20 kg peshë maksimale e përcaktuar me marrëveshje bilaterale me Drejtoritë  postare.

Dimesionet e pakos:

Dimensioni maksimal i pakos është 1,50m për secilin prej dimensioneve dhe maksimum 3m për shumën e gjatësisë dhe perimetrit më të madh të matur në kahje të kundërt me atë të gjatësisë.

Pakoja mundet të shfrytëzon shërbimin plotësues veçmas në rastet kur i njëjti përmban sende/artikuj të thyeshme

Biznis pako

Biznis pakoja është dërgesë postare e shkruar e cila gjatë pranimit dhe dorëzimit evidentohet dhe mundet të jetë me ose pa vlerë të deklaruar. Biznis pakoja shkëmbehet mes dy subjekteve juridike prej dhe në zyrat e tyre afariste. Biznis pakoja mundet të përmban, mallra, sende të cilat janë të  pandara, repro materiale për prodhim, alete, pjese të makinave etj.

Pesha e këtyre pakove mundet të jetë mbi 20 deri 50kg, ndërsa dimensionet maksimale prej  2m për secilin dimensiondhe maksimum 5m nga shuma e gjatësisë dhe parametrit të matur në kahje të ndryshme prej gjatësisë.

Biznis pakoja mundet të ketë manipulim të veçantë, përkatësisht të jetë pako e veçuar.

Dërgesa me afat tëcaktuar përdorëzim

Dërgesat me afat të caktuar dorëzimin janë ato dërgesa ku dërguesi e zgjedh afatin për dorëzim në përputhje me afatet  për dorëzim të dhënësit të shërbimit. Në pjesën e adresës së dërgesës është obliguese të shënohet koha e dorëzimit dhe nr. i telefonit të pranuesit.

Dërgesat ’’Post restant’’

Dërgesat ’’Post restant’’ janë dërgesa  postare për të cilat dërguesi gjatë dorëzimit të dërgesës parashtron kërkesë që dërgesa të dorëzohet për pranuesin në postën e përcaktuar. Dërgesa ’’Post restant’’ në pjesën për adresim ka shënimin ‘’Post restant’’, ndërsa në njësinë e përcaktuar të rrjetit postar mbahet 30 ditë prej ditës së arritjes/pranimit.

Si  dërgesa‘’Post restant’’ nuk mund të pranohen dërgesat urgjente, EMS dërgesat, letra gjyqi dhe letra me procedure administrative dhe kundërvajtëse.

Dërgesa me përgjigje të paguar-CCRI/IBRS-dërgesa

Dërgesat me përgjigje të paguar janë letër-dërgesa postare (letra dhe kartëpostale) të cilat janë të përcjella ose përmbajnë letër-dërgesa me shënim për pagesën e bërë të shërbimit postar të cilën e ka paguar dërguesi për qëllim marrjen e përgjigjes.

Mandaposta

Mandaposta është dërgesë postare e regjistruar me të cilën dërguesi dërgon një shumë të caktuar të hollave në adresë të pranuesit.

Shuma maksimale që dërgohet me një mandapostë është 12.000,00(dymbëdhjetë mijë) denarë dhe i njëjti përcaktohet me Vendim të Këshillit Drejtues të  SHA Posta e Maqedonisë-Shkup ndërsa në komunikacionin ndërkombëtar në pajtim me marrëveshjet  bilaterale me Drejtoritë postare të Kroacisë, Sllovenisë dhe Turqisë.

Letra gjygji dhe letra në procedurë administrative dhe kundërvajtëse

Letra gjyqi dhe letra në procedurë administrative dhe kundërvajtëse janë letra të cilat përmbajnë procedurë gjyqësore, administrative dhe kundërvajtëse, si: ftesa, vendime, përfundime dhe shkresa zyrtare të cilat i dërgojnë gjykatat, prokuroritë publike, organet për kundërvajtje, ministritë, drejtoria për të hyra publike dhe organet tjera shtetërore.

Letra gjyqi dhe letra në procedurë administrative dhe kundërvajtëse me rregull dërgohen si dërgesë e rekomanduar me përgjigje të kthyer dhe nuk mundet të jetë e adresuar si ‘’Post restant’’

Pranimi dhe dorëzimi i këtyre letrave kryhet vetëm në bazë marrëveshjes së bërë.