Shërbimet plotësuese

Kundërpagesë ‘’KD’’

Me shërbimin plotësues –Kundërpagesë’’KD’’ dërguesi gjatë dërgimit të dërgesës kërkon që pranuesit dërgesa t’i dorëzohet  me pagesë paraprake të shumës së kundërpagesës në dobi të dërguesit të dërgesës.

Si dërgesë me shërbim plotësues kundërpagesë mund të dërgohet çdo letër-dërgesë  e rekomanduar, letër me vlerë të deklaruar, pako dhe EMS dërgesë postare.

Së bashku me dërgesën me kundërpagesë dërguesi obligohet të dërgon edhe mandapostën e plotësuar ose fletëpagesën(formulari PP-10) ku do të jetë e shënuar shuma e kundërpagesës.

Dërgesa me kundërpagesë nuk llogaritet si dërgesë me vlerë të deklaruar nëse në të dërguesi nuk e ka shënuar vlerën.

Dorëzim peronalisht pranuesit

Me shërbimin plotësues-Dorëzimi personalisht pranuesit, dërguesi gjatë dërgimit të dërgesës kërkon që dërgesa t’i dorëzohet personalisht pranuesit.

Si dërgesë me shërbim plotësues’’Dorëzim personalisht pranuesit’’mund të dërgohet dërgesa postare e rekomanduar, letra me vlerë të deklaruar,EMS dërgesa, pako dhe mandaposta.

Dërgesat të cilat dorëzohen personalisht pranuesit patjetër duhet të ketë shënimin ‘’T’i dorëzohet personalisht  pranuesit’’

Dërgesa të grupuara’’Consigment’’

Drejtoritë postare mund të merren vesh mes vete që  të marrin pjesë në shërbimin fakultativ për grupimin e dërgesave e quajtur’’Consigment’’ për dërgesat e grupuara prej një dërguesi të cilat duhet të dërgohen jashtë vendit. Hollësitë për këtë shërbim vërtetohen bilateralisht mes drejtorisë postare prejardhëse dhe asaj të  destinuar në bazë të dispozitave të definuar nga Këshilli për operacione postare

Të ndara

Me shërbimin plotësues ‘’Të ndara’’dërguesi gjatë dërgimit të pakos kërkon që me pakon të veprohet me  kujdes të veçantë. Si pako me shërbim plotësues ndaras mund të dorëzohet çdo pako pavarësisht llojit ose natyrës së përmbajtjes.

Pakot me bleta, ushunjëza, krimba mëndafshi, çdoherë duhet të dërgohen si pako të ndara.

Urgjent’’EX’’

Me shërbimin plotësues urgjent’’EX’’ dërguesi gjatë dërgimit të dërgesës kërkon që dërgesa postare t’i dorëzohet pranuesit me dorëzimin e parë të rregullt ose me bartës të veçantë para dërgesave tjera. Në rast se gjatë tentimit të parë për dorëzim dërgesa nuk dorëzohet si urgjente, dorëzohet lajmërim me etiketë ‘’urgjent’’ dhe me dërgesën veprohet si me dërgesat e thjeshta.

Letër-dërgesat të cilat përmbajnë bleta, ushunjëza dhe krimba mëndafshi është e obligueshme të dërgohen si dërgesa urgjente.

Shumë urgjente

Me shërbimin plotësues shume urgjent, gjatë dërgimit të pakos dërguesi kërkon që pakoja të dërgohet në postën e destinuar me lidhjet e para të komunikacionit postar dhe me dorëzimin e parë të rregullt ose me bartës të posaçëm para dërgesave tjera postare. Si pako shume urgjente mund të dërgohet çdo pako.

Pakoja që përmban bleta, ushunjëza, krimba të mëndafshit është obliguese të dërgohen si pako urgjente ose si pako shume urgjente.

Aeroplan ‘’AV’’

Me shërbimin plotësuese aeroplan ‘’AV’’dërguesi gjatë dërgimit të dërgesës kërkon që dërgesa të bartet me aeroplan. Si dërgesë me shërbim plotësues “AV” mund të dërgohet çdo dërgesë postare e thjeshtë ose e regjistruar, me kusht që në relacionin e duhur ose në një pjesë të relacionit të duhur që bartet dërgesa të jetë e  parashikuar lidhja postare ajrore për bartjen e këtyre dërgesave me aeroplan dhe në tërësi të jetë e paguar shuma plotësuese për shërbimin për  transport.