Дополнителни услуги се услуги со кои се обезбедува посебен начин на постапување во прием, пренос, сортирање и дистрибуција на поштенските пратки во внатрешниот и меѓународиот поштенски сообраќај. Овој вид на услуги не се дел од универзалната услуга, но истите можат да се применат за пратките од универзалната услуга.
Дополнителни услуги се:
Повратница „АR“
Со допопнителната услуга – Повратница „АR“ испраќачот при предавање на пратката бара пратката да се достави на примачот со писмено потврдување на посебен образец „Повратница“. Пополнетиот образец се враќа на испраќачот. Повратницата ја пополнува испраќачот и ја предава заедно со пратката.
Откупнина „ОТК“
Со дополнителната услуга откупнина „ОТК“ испраќачот при предавање на пратката бара пратката да се достави на примачот со претходна наплата на откупниот износ во корист на испраќачот на таа пратка.
Како пратка со дополнителна услуга откупнина може да се предаде секоја препорачана писмоносна пратка, писмо со означена вредност, пакет и ЕМS поштенска пратка.
Со откупната пратка испраќачот е должен да ја предаде и пополнетата поштенска упатница или уплатница (обр. ПП -10), по која ќе биде означен откупниот износ.
Откупната пратка не се смета како пратка со означена вредност ако на неа испраќачот не ја означил вредноста.
Достава лично на примачот
Со дополнителната услуга – „Достава лично на примачот“ испраќачот при предавање на пратката бара пратката да се достави лично на примачот.
Како пратка со дополнителна услуга „Достава лично на примачот“ може да се предаде препорачана поштенска пратка, писмо со означена вредност, ЕМS пратка, пакет, и поштенска упатница.
Пратки кои се доставуваат лично на примачот мора да имаат ознака “Да се достави лично на примачот”.
Групирани пратки „Consignment“)
Поштенските управи можат да се договорат меѓусебно да учествуваат во факултативна услуга за групирање наречена „Consignment“ за групираните пратки од еден испраќач кои треба да се испратат во странство. Подробностите за оваа услуга се утврдуваат билатерално меѓу поштенската управа на потекло и одредишната управа врз основа на одредбите кои ги дефинирал Советот за поштенска експлоатација.
Издвоено
Со дополнителната услуга „Издвоено“ испраќачот при предавање на пакетот бара со него да се постапува со посебно внимание. Како пакет со дополнителна услуга издвоено може да се предаде секој пакет без оглед на видот или природата на содржината.
Пакети со пчели, пијавици и свилени буби, секогаш мораат да се предаваат како издвоени пакети.
Итно „ЕX“
Со дополнителна услуга итно „ЕX“ испраќачот при предавање на пратката бара поштенска пратка да се достави на примачот со првата редовна достава или со посебен носител пред другите поштенски пратки. Доколку при првиот обид за достава пратката не се достави како итна, се остава „известување“ со налепка „итно“ и со пратката се постапува како со обични пратки.
Писмоносната пратка која содржи пчели, пијавици и свилени буби задолжително се предава како итна пратка.
Многу итно
Со дополнителна услуга „Многу итно“ испраќачот при предавање на пакетот бара поштенскиот пакет да се испрати до одредишната пошта со првите поштенско-сообраќајни врски и достава со првата редовна достава или со посебен носител пред другите поштенски пратки. Како многу итен пакет може да се предаде секој пакет.
Пакет кој содржи пчели, пијавици и свилени буби задолжително се предава како итен пакет или многу итен пакет.
Авион „АВ“
Со дополнителната услуга авион „АВ“ испраќачот при предавање на пратката бара пратката да се пренесе по авионски пат.
Како пратка со допонителна услуга авион може да се предаде секоја обична или книжена поштенска пратка, под услов на односната релација или на дел од релацијата на која пратката се превезува да е предвидена поштенска авионска врска за превоз на таква пратка со авион и во целост да е платен дополнителен износ за услугата за тој превоз.
Онлајн Прашање
Македонски
Shqip